Ikaw anong pangarap mo?
Pangarap…
Lahat naman siguro tayo natanong na ng tanong na “anong pangarap mo?” o “ano gusto mo maging paglaki mo?” (noong bata pa) o kung nasa edad 20 pataas ka na din tulad ko eto na tanong sayo ng magulang mo: “O ano na balak mo sa buhay mo?” o kung hindi eh “Sasayangin mo na lang ba buhay mo?”. Ang walang kamatayang tanong. Nakakatawa lang kasi alam ko noon ang dami kong gustong maging at lalong nakakatawa lang dahil wala ni isa sa binalak ko maging ang pinili ko noong nag-college na ako. Pero kung tutuusin ang dami kong kilala noong gusto maging duktor pero umayaw din nang dumating sa buhay nila si Chemistry, physics, biology, algebra at trigonometry.
Kung tatanungin mo ako noon ang gusto kong maging ang mga isasagot ko sayo ay ang mga sumusunod:
- Duktor- Automatic yan sa mga bata noon (ewan ko lang kung ganyan pa rin ngayon). Ginusto ko maging duktor dahil gusto ko magsuot ng lab gown at stethoscope sa leeg. Bakit hindi ko kinuha? Alam ko kasing loko loko’t tarantado ako at hindi ko ginagamit utak ko nung nag-aaral pa ako. Ayoko din mag dissect ng aso’t pusa at lalong ayoko masaksihan ang pagkamatay ng tao/pasyente. (aso ko pa nga lang noon eh hagulgol na ako paano pa kaya kung tao pa?)
- Astronaut- I NEEDED SPACE XD chos. Astig kasi kaya nagustuhan ko. Napa-fascinate ako sa kalawakan. (opo, aminado naman akong weirdo ako) Bakit hindi ko kinuha? Duh! walang ganyan dito sa pinas at hindi namin malamang kayanin unang sem pa lang nyan XD Saka ayoko mamatay na nalutang sa ere/kalawakan.
- Musician/composer- Nainlab ako sa musika sa murang edad. Binalak ko i-enrol ito nung college hindi lang natuloy. Bakit? Sinasabi ko pa lang na gusto ko magsulat ng mga kanta at maging musikera eh nagpanic na agad mga magulang ko, hindi daw ako mag eenrol kung yan kurso ko at ano daw ba mapapala ko dyan. (saklap)
May natuloy na pala sa mga pangarap ko nung bata ako… eto oh :)
Writer/Creative Writer- eto ang hilig ko, passion kumbaga. Gusto ko magsulat. Magsulat ng mga tula’t kwento. Pangarap ko magkaroon ng sarili kong libro balang araw. Sa ngayon isa akong freelance writer at hindi pala biro magsulat.
Abangan ang part 2 nito LOL.
(matagal na ‘to ngayon lamang pinost tinamad kasi buksan tumblr)
